23 qershor 2007:

Studentët e kursit të parë të Projekt 5.6 bënë një vizitë në Fototekën Marubi në qytetin e Shkodrës. E themeluar në vitiin 1863 nga Pietro Marubi, garibaldin italian, që u vendos për të jetuar përfundimisht në këtë qytet të Shqipërisë, fototeka sot ruan mbi 120 000 negativë të familjes Marubi dhe disa dhjetra mijë të fotografëve të tjerë shkodranë.
Drejtoresha e fototekës, Semiha Osmani u mbajti një leksion mbi fillimet e fotografisë në Shqipëri.
Më pas studentët vizituan fondin e fototekës, ekspozitën me objekte të fotografëve shkodranë dhe bënë fotografi në qytetin e Shkodrës.

Semiha Osmani, drejtore e fototekës Marubi dhe studentë të Projekt 5.6

22 qershor 2007:
Studentja e kursit të parë të Projekt 5.6, Brilanta Kadillari fitoi cmimin e dytë në konkursin kombëtar për fotografë të rinj, të organizuar nga Banka Botërore në Shqipëri, me titull ‘Ndryshim’.

Fotoja fituese e Cmimit të Dytë: Parku përballë me Galerinë e Arteve Kombëtare, Tiranë.